SHPALLJE PËR VEND TË LIRË PUNE NË DREJTORINË E KUJDESIT SOCIAL
Bazuar në nenin 64 të ligjit 139/2015 “Për vetëqeverisjen vendore”, ligjin 44/2015 “Kodi i Procedurave Administrative”, Vendimin e Këshillit të Ministrave nr. 142, datë 12.03.2014 “Për përshkrimin dhe klasifikimin e pozicioneve të punës në institucionet e administratës shtetërore dhe institucioneve të pavarura”, Vendimin e Këshillit të Ministrave nr. 165, datë 02.03.2016 “ Për grupimin e njësive të vetëqeverisjes vendore për efekt page dhe caktimin e kufijve të pagave të funksionarëve të zgjedhur e të emëruar, të nëpunësve civilë e të punonjësve administrative të vetëqeverisjes vendore” i ndryshuar, në Vendimin e Këshillit të Ministrave nr. 111 datë 23.02.2018 “Për krijimin dhe funksionimin e fondit social“, në Vendimin e Këshillit të Ministrave nr. 150 datë 20.03.2019 “Për metodologjinë e llogaritjes së fondeve për financimin e shërbimeve të kujdesit shoqëror”, Bashkia Korçë do të fillojë proçedurat për plotësimin vendit vakant në Drejtorinë e Kujdesit Social, si më poshtë:
- 1 Psikolog për fëmijët dhe të rriturit Sektori i Shërbimeve Mbështetëse për Fëmijët dhe Familjet me bazë komunitare në Drejtorinë e Kujdesit Social.
- Kandidatët për Psikolog për fëmijët dhe të rriturit Sektori i Shërbimeve Mbështetëse për Fëmijët dhe Familjet me bazë komunitare në Drejtorinë e Kujdesit Social duhet të plotësojnë kërkesat e posaçme si vijon:
- Të jetë shtetas shqiptar;
- Të ketë zotësi të plotë për të vepruar;
- Të zotërojë gjuhën shqipe, të shkruar dhe të folur;
- Të jetë në kushte shëndetësore që e lejojnë të kryejë detyrën përkatëse;
- Të mos jetë i dënuar me vendim të gjykatave shqiptare dhe/ose të huaja për vepra penale kundër personit, të kryera me dashje, sipas përcaktimeve në kreun II, të pjesës së posaçme të Kodit Penal;
- Të mos jetë marrë ndaj tij nga gjykatat shqiptare dhe/ose të huaja asnjë vendim që lidhet me masat mbrojtëse ndaj dhunës në familje;
- Ndaj tij të mos jetë marrë masa disiplinore e largimit nga detyra;
- Të zotërojë minimalisht nivelin e diplomës master profesional në fushën përkatëse Psikolog;
- Preferohen kandidatët që kanë trajnimin dhe çertifikimin në fushën e mbrotjes së të drejtave të fëmijëve.
- Dokumentacioni, mënyra dhe afati i dorëzimit
Kandidatët duhet të dorëzojnë dokumentat si më poshtë:
- Kërkesë me shkrim;
- Curriculum vitae;
- Certifikatë e përbërjes familjare;
- Fotokopje e kartës së identitetit;
- Diplomë të noterizuar;
- Listë e notave e noterizuar;
- Dëshmi kualifikimi për trajnimin në fushën e mbrojtjes së të drejtave të fëmijëve ( në qoftë se ka punuar);
- Librezë pune ( në qoftë se ka punuar);
- Rekomandim nga punëdhënësi i mëparshëm (në qoftë se ka punuar);
- Dëshmi e gjendjes mjekësore;
- Dëshmi e gjendjes gjyqësore;
- Vërtetim gjykate dhe prokurorie;
- Foto – 2 copë me përmasa 4 * 5.5cm;
- Foto – 1 copë e madhe me përmasa 9* 12 cm;
- Vetdeklarim i gjëndjes gjyqësore.
Dokumentat duhet të dorëzohen me postë ose pranë Drejtorisë së Burimeve Njerëzore pranë Bashkisë Korçë brenda datës 02.11.2023
REZULTATET PËR FAZËN E VERIFIKIMIT PARAPRAK TË DOKUMENTACIONIT
Në datën 06.11.2023 Drejtoria e Burimeve Njerëzore në Bashkinë e Korçës do të njoftojë individualisht kandidatët fitues që plotësojnë kushtet dhe kërkesat e posaçme.
KRYETARI I BASHKISË
Sotiraq Filo