Në këto 5 ditë, mijëra njerëz, vendas e të huaj, zgjodhën Korçën, tejmbushën hotelet, baret e restorantet, Pazarin e Vjetër, rrugët e sheshet e në mbrëmje festuan së bashku me korçarët në sheshin e terminalit 5 netët e mrekullueshme të Festës së Birrës.
Festa e Birrës që në konceptin e saj 17 vite më parë, u ndërtua nga bashkia si produkt turistik, magnet për vizitorë nga brenda e jashtë Shqipërisë, një produkt që stimulon ekonominë lokale dhe rrit të ardhurat e bizneseve të shërbimit në Korçë.
Festa i solli Korçës edhe këtë vit mijëra vizitorë, iu solli punë të shtuar bizneseve lokale dhe e gjallëroi Korçën duke i sjellë 5 ditët me të bukura të verës. Si e tillë Festa e Birrës edhe këtë vit shënoi rritje dhe sukses të madh! Falë të gjithë pjesëmarrësve edhe këtë vit Festa e Birrës në Korçë shënoi veç rritje në pjesëmarrje e cilësi!