Tradita e punimeve artizanale që zbukuron shtëpitë korçare ka veshur Zonën Këmbësore të Korçës. Artizanet, të cilat ruajnë me zell zanatet e trashëguara brez pas brezi, si edhe vajzat e reja punuan bashkë për të dekoruar pemët e Zonës Këmbësore, duke shpalosur një nga aspektet më të bukura të trashëgimisë sonë etno-kulturore. Punimet e realizuara me grep i shtuan ngjyrat kësaj vere në Korçë.
