Promovohet në Korçë Katalogu i Pullës së Taksave Shqiptare nga koleksionisti Mirgen Shamblli. Shamblli sjell në këtë koleksion një material që mund të shërbejë jo vetëm për filatelistët, por edhe për çdo qytetar të interesuar për të njohur historinë e shtetit gjatë periudhës së viteve 1921-2021. Veç pullave, ai ka koleksionuar ndër vite rreth 10 mijë objekte të qelqit të prodhuara në Shqipëri si edhe objekte të qeramikës, të cilat gjithashtu do të prezantohen në një katalog të veçantë.
