Bashkia Korçë në bashkëpunim me Programin Rajonal mbi Demokracinë Vendore në Ballkanin Perëndimor (ReLOaD2) ka filluar procesin e shpalljes së Thirrjes Publike për Organizatat e Shoqërisë Civile (OSHC-të). Hapi i parë i këtij procesi është konsultimi me OSHC-të i prioriteteve të thirrjes publike. Në këtë kuadër Bashkia Korçë bazuar në dokumentat strategjike, ka përzgjedhur një prioritet kryesor dhe dy nënpritoritete të detajuara si më poshtë.
Prioriteti 1. Promovimi dhe zhvillimi i turizmit
Nënprioriteti 1.1: Promovimi dhe zhvillimi i turizmit përmes artit, kulturës dhe festave, nëpërmjet ngritjes së një njësie të dedikuar me të rinj, të cilët do të ideojnë, implementojnë dhe organizojnë evente.
Nënprioriteti 1.2: Promovimi i turizmit sportiv, përmes nxitjes së ekipeve profesioniste dhe amatore për zhvillimin e seancave stërvitore dhe ndeshjeve sportive pranë fushave dhe terreneve sportive në Korçë.
Ftohen të gjitha OSHC-të për të marrë pjesë në procesin e konsultimit të nënprioriteteve më sipër, në takimin e organizuar pranë Bashkisë Korçë, datë 21/ 06/ 2023, Ora 12:00, Salla Kati II-të.