Rajonalizimi i ofertës turistike të Korçës është rruga për të aksesuar tregjet ndërkombëtare. Në një takim me anëtarët e Komitetit të Turizmit dhe aktorë të tjerë të këtij sektori shumë të rëndësishëm për Bashkinë Korçë, u diskutuan ide dhe iniciativa të cilat kanë si objektiv zhvillimin e turizmit në nivel rajonal. Për Korçën turizmi është një nga sektorët më të rëndësishëm për zhvillimin e ekonomisë, ndaj kjo ofertë e cila do të përfshijë të gjithë bashkitë e qarkut do të ketë si qëllim shtimin e numrit të vizitorëve kryesisht të huaj si edhe shtimin e ditëve të qëndrimit.
