Konsultimi publik dhe vendimmarrja me pjesëmarrje janë tregues të demokracisë vendore. Gjatë një takimi rajonal të zhvilluar me përfaqësues të INFOCIP për Konsultimin Publik në nivel vendor ndamë përvojat duke theksuar rëndësinë e konsultimit, si një simbol i transparencës në qeverisjen vendore. Bashkia Korçë ka prezantuar përvojën e saj të mirë në proceset konsultative dhe ka diskutuar rreth mekanizmave për të siguruar pjesëmarrje më të gjerë të grupeve të interesit në këto procese.
