Shahu është një sport që zhvillon inteligjencën dhe të menduarin kritik. Suksese për të rinjtë nga 12 shkolla të mesme të rajonit të Korçës, të cilët u bënë pjesë e edicionit të II-të të Kampionatit Ekipor të Shahut “Vangjo Boboshtica”, organizuar nga Shoqata Studentore e Sportit të Universitetit “Fan S. Noli” në Korçë, në bashkëpunim me Federatën Shqiptare të Shahut. Ky kampionat e ka marrë këtë emër si vlerësim për emblemën e shahut korçar, trajner dhe promovues i këtij sporti.
