“Korça është një nga qytetet më të bukur në Ballkan dhe ndryshimi që ka pësuar në këto vite ka qenë i jashtëzakonshëm.” Kështu është shprehur Ambasadori holandez në Shqipëri Reinout Vos në vizitën e tij zyrtare në Bashkinë e Korçës. Ndërmjetësimi me agjencitë turistike holandeze për sjelljen e turistëve në paketa të përbashkëta Ohër-Korçë, rritja e kapaciteteve për tërheqjen e fondeve të BE në vazhdën e procesit të integrimit, bujqësia dhe siguria janë disa nga fushat e mundshme të bashkëpunimit në të ardhmen.
