60 të rinj nga Qarku i Korçës u bënë pjesë e programit PONDER, i cili erdhi këtë fundjavë në Qendrën e Teknologjisë dhe Inovacionit në Bibliotekën "Thimi Mitko" në Korçë. Kryetari i bashkisë u shpreh se ishte kënaqësi për të t'i takonte nga afër këta të rinj dhe akoma më i kënaqur teksa pa interesin e jashtëzakonshëm që po tregonin gjatë punës me mentorët e tyre. PONDER erdhi në Korçë si një program që nxit tek të rinjtë aftësitë e të menduarit kritik nga informacionet që marrin nga të gjitha llojet e mediave. Në përfundim të trajnimit 6 prej nxënësve do të kenë mundësi të integrohen si freelancer në media të ndryshme që operojnë në Korçë.
