Tre zjarre brenda pak orësh kanë rënë dje në Moravë, Gurin e Cjapit dhe Dardhë! Falë ndërhyrjes së menjëhershme të Shërbimit Zjarrfikës, Sektorit të Emergjencave Civile, Sektorit të Pyjeve dhe punëtorëve të Ndërmarrjes së Shërbimeve Publike dje u fik zjarri i Moravës. Ekipet e bashkisë kanë nisur sot herët punën për fikjen e dy vatrave të tjera. Bashkia e Korçës apelon për zbardhjen sa më të shpejtë të kësaj ngjarjeje të rëndë që shkaktoi dëme të mëdha në kurorën e gjelbër dhe rezervat pyjore të Korçës si edhe identifikimin dhe vënien para përgjegjësisë ligjore të personave përgjegjës.
