Në rrugën tashmë të pandalshme të zhvillimit të turizmit Bashkia Korçë synon tërheqjen në Korçë të turistëve të huaj, që vizitojnë rajonin nëpërmjet paketave të përbashkëta me agjencitë turistike europiane dhe të Maqedonisë së Veriut. U zhvillua në Korçë takimi i parë për këtë qëllim me prezencën e Ambasadorit të Republikës së Maqedonisë të Veriut, Drejtorin e Agjencisë Kombëtare për Promovimin dhe Mbështetjen e Turizmit në Maqedoni, agjenci turistike nga Maqedonia dhe Korça, si dhe aktorë të turizmit dhe kulturës në Korçë.
