Bashkia Korçë njofton të gjithë qytetarët të paraqesin kërkesat për përfundimin e procedurave të privatizmit të banesave në zbatim të dispozitave te VKM nr.542 date 29.07.2022 “Per nje ndryshim ne vendimin nr.179,datë 26.2.2020 te keshillit te ministrave “Për rregullat, kushtet dhe procedurat e privatizimit të banesave që kanë qenë subjekt i ligjit nr. 7652, datë 23.12.1992, “Për privatizimin e banesave shtetërore” dhe të ligjit nr. 9321, datë 25.11.2004 “Për privatizimin e banesave dhe objekteve të kthyera në banesa, të ndërtuara me fondet e shoqërive dhe të ndërmarrjeve shtetërore”.
Kërkesa të shoqërohet me dokumentacionin e mëposhtëm:
a)Dokument që tregon se personi gëzon të drejtën e privatizimit të banesës, të tillë, si: kontrata e qirasë, akti i dhënies ose i marrjes në dorëzim të banesës nga ish-ndërmarrja komunale banesa ose autorizim nga ish-organet administrative publike që e kanë strehuar në atë banesë; Ky dokument duhet të doërëzohet origjinal ose fotokopje e noterizuar;
b) Çertifikatë e gjendjes familjare e datës 1.12.1992 dhe certifikatë aktuale të gjendjes familjare në momentin e privatizimit për efekt të përcaktimit të sipërfaqes së banesës që i takon familjes, bazuar në normat e strehimit në momentin e privatizimit dhe të përcaktimit të sipërfaqes së tepërt mbi normën e strehimit, nëse ka një të tillë; Ky dokument duhet të dorëzohet origjinal;
c) Dëshmi e trashëgimisë, nëse ka një të tillë, Ky dokument duhet të dorëzohet origjinal ose fotokopje e noterizuar;
ç) Prokurë, nëse ka një të tillë: Ky dokument duhet të dorëzohet origjinal ose fotokopje e noterizuar
d) Dokument identifikimi i kërkuesit (kartë identiteti dhe/ose pasaportë biometrike). Ky dokument duhet të dorëzohet në fotokopje.
Gjithashtu njoftohen të gjithe subjektet që kanë paraqitur kërkesë në Bashkinë Korçë, për përfundimin e procedurës së privatizimit përpara daljes së këtij njoftimi, të paraqiten në Bashkinë Korçë për vijimin e procedurave , sipas korrespondencave shkresore përkatëse dhe ndryshimeve ligjore aktuale.
Aplikimi mund të paraqitet në rrugë postare ose pranë sportelit "One Stop Shop” Bashkia Korçë.