Festivali i Rinisë 2022 vjen në edicionin e tij të gjashtë në Korçë, dhe bën bashkë mbi 100 të rinj nga 9 bashki të Shqipërisë. Eventi dy ditor që nisi tek "Qyteza e Fëmijëve", zona dedikuar fëmijëve dhe të rinjve të qytetit u zhvendos ditën e dytë tek biblioteka "Thimi Mitko". Teknologjia, dixhitalizimi i inovacionit si dhe mundësitë që ofron tregu i punës ishin kryefjala e këtij bashkëbisedimi. Edicioni i 6-të i Festivalit të Rinisë 2022 krijoi hapësirën e duhur që të rinjtë të adresonin problematikat që i shqetësojnë në komunitetet ku jetojnë, për të zgjeruar rrjetin e njohjeve dhe për t'u argëtuar.
