Njoftim për publikimin e sondazhit online

Qëllimi i këshillimit publik

Këshillimi publik përmes sondazhit online synon tërheqjen e mendimit të qytetarëve, biznesit, shoqërisë civile, medias, lidhur me funksionet shërbimet prioritare për të cilat bashkia duhet të shpenzojë më shumë para gjatë vitit të ardhshëm 2023.

Këshilli i Bashkisë, si përfaqësues i komunitetit, kërkon të marrë më shumë informacionmbi mendimin e komunitetit për përdorimin e fondeve publike për ofrimin e shërbimeve nga ana e Bashkisë, performancën e ofrimit të shërbimeve si dhe cilët janë shërbimet / funksionet që konsiderohen prioritare nga komuniteti. Duke qenë se sondazhi është i aksesueshëm online, aksesueshmëria e tij është e gjerë dhe mundëson gjithëpërfshirjen e komunitetit, pavarësisht vendndodhjes së tyre, në çdo kohë.

Mbledhja e mendimeve dhe rekomandimeve të komunitetit, do t’i shërbejë Këshillit për të reflektuar ne Tavanet buxhetore per PBA 2023-2025, se si do të përdoren fondet publike në ofrimin e shërbimeve për tre vitet e ardhshme 2023 – 2025, dhe të sigurojë që përdorimi i tyre është në përputhje me nevojat e komunitetit për përmirësimin e shërbimeve prioritare të përcaktuar nga to.

Përshkrimi i çështjes që trajton sondazhi online

Miratimi i Tavaneve buxhetore per PBA 2023-2025, është një vendim i rëndësishëm që merret nga Këshilli i Bashkisë, pasi përcakton fondet që do të përdoren për të gjitha shërbimet / funksionet e ushtruara nga Bashkia . Këshilli i Bashkisë duhet të sigurohet që fondet publike shkojnë për përmirësimin e shërbimeve që ofrohen nga Bashkia për komunitetin dhe adresojnë nevojat e tyre, brenda kapaciteteve financuese të Bashkisë.

Për këtë, Këshilli i Bashkisë ka përgatitur dhe publikuar një sondazh online i cili ofron të dhëna informuese mbi mënyrën sesi janë përdorur fondet gjatë vitit 2021, nivelin e arritjes së objektivave të shërbimeve, si dhe ofron një listë me shërbime / funksione nga e cila komuniteti përzgjedh ato shërbime për të cilat mendon se bashkia duhet të shpenzojë më shumë gjatë tre viteve të ardhshme.

Pyetjet që ngre Këshilli ndaj publikut

Këshilli i Bashkisëeshte bazuar ne Buxhetin interaktiv/Planin e performances 2022-2024 dhe ka përgatitur një pyetësor bazuar në të dhënat që përmban ky dokument. Bazuar në Ligjin 139/2015 Neni 18, ka vendosur kalimin në konsultim publik për përgatitjen e projekt buxhetit afatmesëm duke përdorur sondazhin online.

Këshilli i Bashkisëështë i interesuar të marrë opinionin e komunitetit në lidhje me cështjet si vijon :

1. A jeni dakort me mënyrën si janë shpenzuar paratë? Shprehni opinionet tuja në lidhje me këtë?
2. Prioritet e publikut: Zgjidhni ato shërbime për të cilat mendoni se duhet shpenzuar më shumë (2% ose më pak është shpenzuar)
3. A jeni të gatshëm të paguani me shumë taksa dhe tatime për ofrimin e shërbimeve shtesë që keni përzgjedhur më lart?
4. Nese do e vlerësonit performancën e bashkisë tuaj, çfarë note do i jepni nga 0 në 10 për vitin 2021?

Kontaktet dhe afatet e dërgimit të komenteve, rekomandimeve, vërejtjeve;

Komentet dhe rekomandimet tuaja jepen direkt nëpërmjet votimit në platformën e sondazhit online,BRENDA DATËS 13.03.2022.

Sondazhi aksesohet mund të aksesohet si më poshtë:

• Në adresën zyrtare të internetit të Këshillit të Bashkisë Korce, në linkun:
• https://bashkiakorce.gov.al/site/articles.php?cid=356&t=Konsultimet-Publike
• Në facebook zyrtar të Këshillit të BashkisëKorce
• https://forms.office.com/pages/responsepage.aspx?id=DQSIkWdsW0yxEjajBLZtrQAAAAAAAAAAAAYAAIBWQCRURFNFU1ZEM1JPUFMzTlpOMVVaVDVXSE02Wi4u

• Në adresën zyrtare të internetit të Bashkisë, Programi i Transparencës, në linkun:
• https://sites.google.com/view/bashkiakor/home/mbi-organizimin-dhe-funksionimin-e-bashkis%C3%AB/organi-p%C3%ABrfaq%C3%ABsues-i-bashkis%C3%AB-k%C3%ABshilli-bashkiak/njoftime-k%C3%ABshilli-bashkiak?authuser=1

Për çdo vështirësi apo paqartësi lidhur me sondazhin, mund të kontaktoni drejtpërdrejtë me Sekretarin e Këshillit të Bashkisë:

Email:nacieva@yahoo.com

Adresa: Këshilli i Bashkisë, Bashkia Korce

Ndryshimet kryesore dhe/ose alternativat e mundshme

Opsionet e mundëshme janë për t’u shqyrtuar nga ana e Këshillit :

Ndryshime në alokimin e fondeve për programe të caktuara me qëllim përmirësimin e shërbimeve të ofruara nga Bashkia.

Projekt-vendimi, relacioni shoqërues, studime apo materiale me informacion në lidhje me cështjen që konsultohet

Ju lutemi t’ju referoheni linqeve me poshte:

Buxhetin per Qytetarin mund ta gjeni ne linkun:

https://bashkiakorce.gov.al/site/article.php?aid=3863&t=Buxhetin-per-Qytetarin-2022-2024-te-Bashkise-Korce

Buxhetin interaktiv/Planin e performances 2022-2024, mund ta gjeni ne linkun:

https://public.tableau.com/app/profile/loren5044/viz/Kor-Planiiperformancs2022-2024/Tedhenatadministrative

Shpjegim të procesit që do ndjekë dhe veprimet qe do të ndërmarrë Këshilli për të shqyrtuar rekomandimet nga publiku deri në marrjen e vendimit

Konsultimi publik përmes sondazhit do të jetë i munduar deri në 30 Nëntor 2022, por mbledhja dhe shqyrtimi i rekomandimeve do bëhet në disa faza:

• Rekomandimet e ardhura deri në 13 mars 2022
• Rekomandimet e ardhura deri në 15 Maj 2022
• Rekomandimet e ardhura deri në 30 Nëntor 2022

Pas mbledhjes së rekomandimeve, Këshilli i Bashkisë do të ndjekë hapat si vijon:

1. Realizimin nga ana e Sekretariatit të Këshillit i një Përmbledhje të Rekomandimeve dhe rezultateve të plota të Sondazhit, që përfshin të gjitha mendimet dhe propozimet që do të vijnë nga komuniteti dhe bërja publike e kësaj Përmbledhje.
2. Dërgimi i kësaj Përmbledhje Rekomandimesh Kryetarit të Bashkisë, Komisionit të Ekonomise dhe Financës dhe çdo këshilltari të bashkisë.
3. Shqyrtimi nga ana e komisionit të ekonomisë dhe financës (mbledhja e komisionit është e hapur për publikun sipas datave të parashikuara në kalendar) të cdo rekomandimi dhe të opinionit të Kryetarit të Bashkisë.
4. Marrja e vendimit për rekomandimet që do të përfshihen në projekt buxhetin afatmesëm dhe projekt buxhetin vjetor. Vendimi i bashkëngjitet dokumentit të projekt buxhetit afatmesëm dhe projekt buxhetit vjetor.
5. Diskutimi dhe miratimi i aktit në seancën e hapur të Mbledhjes së Këshillit.
6. Informimi i komunitetit, për marrjen në konsideratë të rekomandimeve ose për mosmarrjen në konsideratë dhe arsyet e mosmarrjes në konsideratë të tyre.
7. Publikimi i aktit në faqen e Këshillit të Bashkisë dhe në tabelat e informimit
8. Njoftimi i administratës për aktin e miratuar
9. Monitorimi i zbatimit të tij

Data e publikimit

14/02/2022