Korça po tërheq gjithnjë e më shumë vëmendjen e investitorëve të huaj, të cilët duan të hapin degët e kompanive të tyre në fushën e teknologjisë dhe inovacionit. Kryetari i Bashkisë Korçë, së bashku me ministrin e mbrojtjes,pritën vizitën e investitorëve dhe ekspertëve izraelitë, të cilët vizituan Korçën si lokalitet të zgjedhur prej tyre për investime serioze në këtë fushë. Në këtë takim u diskutua konkretisht ideja e një projekti madhor, një mundësi fantastike bashkëpunimi mes Izraelit dhe Shqipërisë në fushën e teknologjisë, projekt që do ta kthejë Korçën në qendër rajonale të inovacionit duke ndikuar fuqishëm në punësimin e të rinjve dhe zhvillimin ekonomik lokal.
