Zvicra është një partner i rëndësishëm dhe një mbështetje e madhe e disa programeve të ndryshme të zbatuara në Korçë. Para pak javësh u finalizua me sukses nënshkrimi i një marrëveshjeje me Ambasadën Zvicerane, për një projekt në fushën e efiçencës së energjisë. Ky projekt do të ketë një impakt të rëndësishëm në drejtim të përmirësimit të ndriçimit publik në gjithë Bashkinë Korçë. Gjatë bisedës me zv. Ambasadorin e Zvicrës në Shqipëri z. Patrik Meier, u diskutua rreth disa projekteve që janë në zbatim, si dhe mundësi të tjera bashkëpunimi në fusha të ndryshme.
