Në kuadër të projektit "100 fshatrat" për të promovuar Drenovën, dhe pas punës që është bërë për rehabilitimin e rrugës së Parkut Kombëtar "Bredhi i Drenovës", ky projekt i rëndësishëm do të vazhdojë me pikën e hedhjes me parashutë, markimin e shtigjeve për të shëtitur si dhe me hapësirat për piknik. Ndërkohë puna po vazhdon brenda fshatit Drenovë. Pas asfaltimit të disa prej rrugëve, kanalizimit të ujërave të zeza, puna po vijon me shtrimin me kalldrëm të një pjese rrugësh të brendshme. Investimet në këtë fshat do të jenë një prej prioriteteve të Bashkisë Korçë, për ta shndëruar atë në një destinacion turistik.
