Në prag të hartimit të programit për 5 vitet e ardhshme, zv. përfaqësuesja e UNICEF në Shqipëri Edina Kozma, ka qenë në Bashkinë Korçë për të siguruar vijimësinë e projekteve të nisura me ne si edhe për të diskutuar mundësi shtesë bashkëpunimi për vitet në vijim. Mbrojtja e fëmijëve, mbështetja financiare për fëmijet nga familje në veshtirësi ekonomike, përpjekjet e shtuara në ndihmë të fëmijëve me aftësi ndryshe, ishin disa nga fushat e propozuara për bashkëpunimin në vijim. Paketa e plotë e projekteve që lidhen me kujdesin për fëmijët do bëjë të mundur kthimin e Korçës në Qytet Miqësor me Fëmijët, status që UNICEF ka projektuar të japë për Korçën dhe Tiranën, si dy qytetet e para në Shqipëri që po përmbushin standardet ndërkombëtare në këtë drejtim.
