Korça do të ndriçojë më shumë. 830 milion lekë do të investohen së shpejti për vendosjen e ndriçuesve të rinj LED. Ky investim i rëndësishëm do të përmirësojë ndjeshëm ndriçimin publik në shumicën e rrugëve qëndrore e periferike në qytet si edhe në çdo fshat të Korçës. Ndriçuesit LED, përveçse do të kursejnë energjinë elektrike deri në 65 %, do të rinovojnë sistemin ekzistues. Kjo teknologji ka kosto të ulët në mirëmbajtje dhe rrit cilësinë e ndriçimit duke garantuar qëndrueshmërinë dhe jetëgjatësinë e llambave, disa herë më tepër se jetëgjatësia e llambave aktuale.
