Korca International Short Film Festival, në kuadër të festivalit të filmit këtë vit sjell në Korçë "Kids Programe" – Edukimi nëpërmjet filmit.
Një seri workshopesh me fëmijë të moshave 7-12 vjeç, të cilët do të realizojnë filma të animuar dhe pas montazhit, ata do të shfaqen për publikun. Pas përfundimit të workshopit, në 4 Korrik, në ambjentet e teatrit "Andon Zako Cajupi", do të shfaqen disa filma të animuar për të gjithë fëmijët.
Programi i filmave të shkurtër është mundësuar nga Clermont-Ferrand Short Fest, festivali me i madh i filmit të shkurtër në botë, me mbështetjen e Bashkisë Korçë, Ambasadës Franceze në Shqipëri, Aleancës Franceze Korçë dhe Qendrës Rinore Korçë.