REPUBLIKA E SHQIPËRISË
BASHKIA KORÇË
DREJTORIA E PËRGJITHSHME JURIDIKE DHE E MENAXHIMIT TË BURIMEVE NJERËZORE
NJOFTIM
“SHPALLJE KONKRUSI PËR PËRZGJEDHJEN E SUBJEKTIT QË DO TË BASHKËFINANCOJË VEPRIMTARINË E SHOQËRISË AKSIONERE QËNDRA SPORTIVE KORÇË SH.A.”
Bazuar në nenin 3, 9 pika 1.6, 25, 64 të Ligjit Nr. 139/2015 “Për vetëqeverisjen vendore”, Vendimin e Këshillit të Bashkisë Korçë Nr. 145 dt 27.12.2018 “Për fillimin e proçedurave të konkursit për përzgjedhjen e partnerit, për bashkëfinancimin e SH.A. Qëndra Sportive Korçë” Bashkia Korçë njofton të gjithë subjektet e interesuara për bashkëfinancimin e veprimtarisë të shoqërisë aksionere Qëndra Sportive Korçë sh.a. të paraqesin në Bashkinë Korçë dokumentacionin si më poshtë:
Përcaktimi i kritereve të subjekteve që do të bashkëfinancojnë veprimtarinë e shoqërisë aksionere Qëndra Sportive Korçë do të jetë si më poshtë:
-Subjekti konkurues të ketë eksperienca shumëvjçare funksionimi dhe eksperienca të ngjashme në fushën e financimi dhe menaxhimit të projekteve të ndryshme (e vërtetuar kjo me vendim regjistrimi të subjektit dhe / ose ekstraktin historik të saj, bilancin për vlerën totale të projekteve që ka financuar); 40 pikë
– Vlera totale e kontributit që subjekti konkurues do të bashkëfinancojë veprimtarinë e shoqërisë aksionere Qëndra Sportive Korçë Sh.a. (Do të përzgjidhen ato subjekte që vlerën e financimit në shoqërinë aksionere e kanë më të lartë). 40 pikë
– Numri i të punësuarve që subjekti konkurues do të ketë, ( e vërtetuar kjo me pagesën e kontributeve të sigurimeve shoqërore dhe shëndetësore), kjo sipas kualifikimev, përvojës, kapacitetit për të ofruar shërbime. Do të përzgjidhet subjekti që ka numurin më të madh të stafit që vendos në dispozicion të Qëndrës dhe numurin më të madh të vendeve të reja të punës që subjekti do të krijojë në Qëndër. 20 pikë
Subjektet e interesuara të paraqësin dokumentacionin e sipërcituar dhe planbiznesin brenda 10 ditëve nga dita e nesërme e afishimit të njoftimit në stendat e Bashkisë Korçë të mbyllura në zarf, të vulosura dhe do të dorëzohen zyrtarisht pranë Bashkisë Korçë, në zyrën e Protokoll-Arkivës.
Subjektet që kanë shprehur interes, kanë të drejtë të marrin pjesë në procesin e hapjes së dokumentacionit nëpërmjet përfaqësuesit apo personave të autorizuar.
Shqyrtimi i dokumentacionit të dorëzuar do të bëhet në dt. 04.02.2019 ora 11:00 në Sallën e Mbledhjes, Kati I, në Bashkinë Korçë.
Komisioni nuk do të pranojë asnjë dokumentacion, i cili do të dorëzohet tej afatit të përcaktuar dhe jo në përputhje me kërkesat e mësipërme.
Qëllimi i publikimit të këtij njoftimi është venia në dijeni e të gjithë subjekteve të interesuara, të cilët shprehin interes dhe përmbushin kriteret, për të paraqitur dokumentacionin e nevojshëm dhe të sipërcituara.