30 vjetori i bashkëpunimit mes Gjermanisë dhe Shqipërisë u përcoll përmes aktiviteteve të larmishme në qytetin e Korçës. Pas mbjelljes simbolike të pemëve, Ambasadorja e Gjermanisë znj. Susanne Schutz së bashku me Kryetarin e Bashkisë z. Sotiraq Filo zhvilluan një takim në Bashkinë e Korçës. Gjatë diskutimit ata vendosën theksin tek bashkëpunimi i mirë dhe mbështetja e dhënë për disa nga projektet e mëdha në këtë qytet. Një koncert muzikor nga tenori Kastriot Tusha, në teatrin “Andon Zako Çajupi” përmbylli mbrëmjen.
