Perspektivë e re për zhvillimin ekonomiko- turistik të fshatrave të Korçës falë projekteve infrastrukturore. Ministri i Infrastrukturës dhe Energjisë Damian Gjiknuri bashkë me Ministrin e Bujqësisë dhe Zhvillimit Rural Niko Peleshi, drejtorin e ARRSH-së Afrim Qendro, deputeten Elisa Spiropali dhe Kryetarin e Bashkisë Korçë Sotiraq Filo, inspektuan përfundimin e punimeve për ndërtimin e lotit të parë të aksit nacional Korçë-Ersekë. Me kërkesën e Bashkisë Korçë, projekti ka pësuar ndryshime gjatë zbatimit të tij ndërsa në zonën urbane rreth 2 kilometër është plotësuar edhe me korsinë e biçikletave, pemët dekorative, ndriçimin rrugor, trotuaret.
