"Markata e Shijes", një projekt ambicioz, realizimi i të cilit do t'i sjellë Korçës një tjetër pol ekonomiko-turistik. Zhvilluam takimin e parë me grupet e interesit për ngritjen e kësaj qendre të standartizuar, ku do të ofrohen produkte të zonës. Markata e re do të ndërtohet në një nga godinat e ish-UMB me mbështetjen e programit italian IADSA dhe Agjensisë për Zhvillim Rajonal-3. Një partner i rëndësishëm për zhvillimin e një marke autentike të produkteve të zonës, do të jetë edhe stafi i Fakultetit të Bujqësisë, Universiteti "Fan Noli".
