“Koko Fest”, Festivali i Komedisë në Korçë 2017

U mbyll edicioni i katërt i Koko Fest 2017, me shtatë trupa pjesëmarrëse nga Shqipëria, Kosova, Maqedonia.

Koko Fest, filloi me "8 Femra", Teatri Korçës, me rregji të Driada Dervishi. Një komedi tërësisht misterioze, brilante, femërore.
Yllka Mujo fitoi si aktorja më e mirë protagoniste, Olta Daku aktorja më e mirë joprotagoniste.
Vazhdoi me Shfaqjen e Teatri "Petro Marko", Vlorë, regjisor "Spiro Duni", një komedi e këndshme me aktorë të njohur të humorit.
Natën e tretë u prezantua "39 Hapa", regjisor Qëndrim Rijani, fitues i tre çmimeve në këtë edicion të Koko Fest, si regjia më e mirë, Qëndrim Rijani, aktori i ri më i mirë, Donald Shehu, aktori më i mirë jo protagonist Florian Agalliu. Një thriller komik, me situata , skena, personaze të krijuara në mënyrë shumë inteligjente dhe të veçantë nga regjisori.
"Shfaqja që shkoi mbrapsht" por shfaqja më e mirë në Koko Fest. Teatri Shkup. Regjisor Agon Myftari. Një shfaqje shumë e këndshme, me një lojë të bukur aktorësh, ku spikati Aida Elezi, e cila, fitoi si aktorja e re më e mirë.
"Tartufi", Teatri "Migjeni", i Shkodrës, regjisor Kushtrim Bekteshi, solli me sukses një komedi të Molierit, por shumë aktuale, duke përcjellë kështu një mesazh të fortë.
Teatri Eksperimental Tiranë sjell në Koko Fest, "Ferma e kafshëve", regjisor Eri Isai, me një lojë të mrekullueshme të shumë aktorëve, Luftar Paja u vlerësua me Çmimin e Karrierës.
"I ligu për mend", një komedi nga Gjergj Fishta, regjisor Altin Basha mbylli konkurimin në Koko Fest. Një komedi e sjellë mrekullisht nga autori në shqip dhe në Shqipëri, e përshtatur shumë bukur nga regjisori, dhe me një lojë të bukur të aktorëve të Teatrit Kombëtar të Kosovës, ku si fitues i çmimit aktori më i mirë protagonist Luan Jaha.
Teatri Korçës, Bashkia Korçë, Qendra Artit Kultures Korce, sollën për shtatë ditë me rradhë, një Festival Komedie me vlera të larta artistike, me pjesëmarrjen e trupave të mirënjohura nga mbarë vendet shqipfolëse, dhe gjithmonë me duartrokitjet dhe kulturën e publikut korçar, ky festival do arrijë gjithmonë e më shumë sukses.