Përfaqësuesja e USAID/Shqipëri Catherine Johnson, vizitoi Bashkinë e Korçës duke vlerësuar bashkëpunimin e suksesshëm në realizimin e disa projekteve të cilat kanë sjellë një impakt pozitiv. Pasi është ndalur në zyrën e "One Stop Shop" për të parë nga afër punën, Znj. Johnson gjatë takimit me Kryetarin e Bashkisë Sotiraq Filo, ka shprehur konsideratën e saj për qytetin e Korçës, si dhe ka premtuar bashkëpunimin dhe asistencën për realizimin e projekteve të tjera.
