Falë investimit për ndërtimin e një godine me standarte bashkëkohore dhe me një stil unik arkitekturor, ky muze ka hapur dyert për vizitorët. Investimi prej 188 milionë lekësh i Bashkisë së Korçës ka parashikuar ndërtimin e një godine me stil mesjetar.
Një pasuri vlerash e cila qëndron në koleksionin prej 7000 ikonash të këtij muzeu është lehtësisht e aksesueshme. Brenda Muzeut të Artit Mesjetar ekspozohen të gjithë vlerat e ikonografisë dhe jo vetëm ato të periudhës Post Mesjetare. Koncepti i brendshëm ndahet në 6 hapësira kryesore. : "Lobi i hyrjes", "Dhoma e artë","Zona e balkonadës", "Labirinthi i zi", "Dhoma e kuqe" dhe "Dhoma e ndriçuar".