Ekspozita e Kolonisë Ndërkombëtare të Piktorëve "Ditët e Mios". Në këtë edicion të 9-të, pikturat e realizuara nga artistët kanë sjellë një spektër të gjerë pamjesh piktoreske nga Korça. Me punën e mrekullueshme 19 piktorët pjesëmarrës nga shumë vende të botës si Egjipti, Polonia, Danimarka, Turqia, Greqia, Mali i Zi, Kosova, Maqedonia dhe Shqipëria hodhën në telajo pjesë nga magjia e qytetit të Korçës dhe rrethinave. Korça mbetet një vend për t'u eksploruar për pasurinë që mbart dhe frymëzimin që të jep. Piktorët pjesëmarrës vizituan edhe Muzeun Kombëtar të Artit Mesjetar, një vlerë e shtuar e qytetit.