Masteri i Restaurimit, për herë të parë dhe i vetmi i këtij lloji në Shqipëri është çelur në qytetin e Korçës. 43 studentë të degëve të arkitekturës dhe urbanistikës, të cilët do të ndjekin mësimin në ambjentet e universitetit "Fan Noli" do të kualifikohen në këtë fushë specifike. Falë një partneriteti të suksesshëm universiteti vjen atje ku janë risitë dhe problematikat. Vitin që vjen Masteri i Restaurimit do të zhvillohet në ambjentet e reja të kompleksit multikurturor në qendër të qytetit të Korçës. Pas ceremonisë së çeljes, një vizitë e studentëve dhe akademikëve në Muzeun e Artit Mesjetar, dëshmi unike e rëndësisë së trashëgimisë sonë kulturore.