Për të nëntin vit radhazi Bashkia e Korçës ka sjellë Panairin e Punës, si një urë lidhëse dhe mundësi e njohjes së të rinjve me ofertat e kërkesat e tregut të punës. Në të morën pjesë rreth 47 subjekte, të cilët kanë ofruar vende të lira pune, si dhe qindra aplikantë dhe të interesuar. Ky panair nga viti në vit sjell edhe më shumë rezultate duke identifikuar dhe ofruar mundësi orientimi dhe punësimi të reja. Gjithashtu u shërben punëdhënësve me mundësi konkrete për plotësimin e vendeve të lira të punës, duke e bërë këtë proçes konkurrues, transparent dhe më të frytshëm.