Në kuadër të Planit Kombëtar të Mobilizimit u organizua nga Bashkia Korçë në bashkëpunim me Ministrinë e Mirëqënies Sociale dhe Rinisë një aktivitet sensibilizues për mbrojtjen e fëmijëve. Dhjetra fëmijë kanë kaluar përmes qytetit me autobusin e loguar nën siglën “Unë Mbroj Fëmijët në Qytetin tim”, për të zgjuar ndjeshmërinë individuale tek secili prej nesh. Më tej, në zonën këmbësore u vendosën stenda me materiale të punuara nga fëmijët dhe u zhvilluan aktivitete argëtuese për ta. Në mbështetje të kësaj tematike janë shpërndarë për kalimtarët fletëpalosje dhe materiale sensibilizuese. Aktiviteti u gjallërua nga pantonimet, animatorët, grupi i valleve për fëmijë dhe muzika e larmishme.
