Në kuadër të marrëveshjes së bashkëpunimit midis Entit Kombëtar të Banesave dhe Shërbimit Kombëtar të Punësimit u organizua një tryezë e rrumbullakët për vlerësimin e mundësive dhe lehtësirave për familjet me vështirësi ekonomike, të cilat pasi kanë përfituar strehim rezultojnë debitorë në skemën e pagesave. Në këtë takim morën pjesë Drejtorja e Përgjithshme e Entit Kombëtar të Banesave Doris Andoni, Zv/Kryetarja e Bashkisë Benila Themeli, përfaqësues të Zyrës Rajonale të Entit të Banesave Korçë, Drejtorisë së Kujdesit Social, Shërbimit të Punësimit, Qendrës së Formimit Profesional, Shoqatës për Mbrojtjen e të Drejtave të Komunitetit Rom dhe Egjiptian, të cilët diskutuan për evidentimin dhe krijimin e kushteve për kualifikim profesional dhe integrim në tregun e punës, me qellim ngritjen e nivelit ekonomik për shlyerjen e detyrimeve të tyre.
