Vullnetarët e Green Line Albania zhvilluan një takim në Bashkinë e Korçës në kuadër të iniciativës së tyre më të re Green City Albania me sloganin “Mbill një pemë sot, krijo një të ardhme nesër”, e cila ka për qëllim promovimin e konceptit të qyteteve të gjelbra dhe të qëndrueshme që jetojnë në harmoni të plotë me natyrën.
Plani i veprimit për Qytetet e Gjelbra fokusohet në tre fusha:
• Zero Mbeturina
• Zero Karbon
• Ekosisteme të shëndetshme
Muaji i Qyteteve të Gjelbra është një fushatë promovuese dhe sensibilizuese, e cila ka filluar rrugëtimin e saj në 22 Prill në Ditën Botërore të Tokës dhe përfundon në 22 Maj në Ditën Botërore të Biodiversitetit.
Në përgjigje të kësaj nisme Bashkia e Korçës së bashku me vullnetarët e Green Line Albania mbollën pemë në kodrat e qytetit, si një simbolikë e fortë në angazhimin e gjithësecilit prej nesh për të mbrojtur tokën.
Mendo Gjelbër-Bëje Qytetin Tënd Të Gjelbër-Jeto Gjelbër
