Bashkia Korçë
KONKURSI I INOVACIONIT NË SIPËRMARRJET E REJA
Qëllimi i konkursit konsiston në nxitjen e të rinjve për të shpalosur ide inovative biznesi, të cilat mund të gjejnë aplikim në qytetin e Korçës.
Në fund të konkursit do të përzgjidhen 3 idetë më të mira inovative, të cilat do të jenë dhe të realizueshme për natyrën e biznesit dhe do të vlerësohen me çmime në vlerë monetare.
Pjesëmarrja realizohet nëpërmjet dorëzimit të formularit të aplikimit dhe vlerësimi do të bëhet nga një juri profesioniste me përfaqësues nga institucione të ndryshme të qytetit të Korçës.
Të gjithë të rinjtë, që do të duan të zhvillojnë idenë e tyre në biznes, do të kenë mundësi ta realizojnë realisht atë në ambientet e Inkubatorit të Biznesit Korçë. IBK është një nismë që mbështet sipërmarrjen e të rinjve me ambiente moderne, këshilla, e burime të tjera në mënyrë që të përshpejtohet suksesi i bizneseve.
Kriteret e pjesëmarrjes në konkurs
- Të gjithë aplikantët duhet të plotësojnë formularin e aplikimit sipas formatit të përcaktuar nga organizatorët. (të kenë një ide biznesi inovative të përcaktuar dhe të zhvilluar mirë, duke i bashkangjitur formularit edhe dokumenta plotësuese).
- Mosha e sipërmarësve të rinj 18 – 29 vjeç.
Do konsiderohet si avantazh nëse ideja inovative e biznesit do të jetë e zbatueshme në realitet. Fushat e inovacionit mund të jenë nga më të ndryshmet dhe të aplikueshme në fushën e teknologjisë së informacionit, bujqësisë, industrisë ushqimore, turizmit ose energjisë së rinovueshme, etj.
Formulari për të gjithë të rinjtë e interesuar për të marrë pjesë në Konkurs, duhet të dorëzohet deri në datën 7 Dhjetor, ora 12:00:
Dorazi – pranë Sportelit të Informacionit, Bashkia Korçë
Online tek adresat e mëposhtme:
Për më tepër informacion na ndiqni në:
www.bashkiakorce.gov.al
facebook: Bashkia Korçë
inkubatori.rda-korca.org
facebook: Inkubatori i Biznesit, Korçë