Është inaguruar në Korçë Qendra Komunitare Ndërkulturore. Të pranishëm në këtë ceremoni inagurimi kanë qënë Kryeministri Edi Rama, Zv. Kryeministri Niko Peleshi, Ministri i Mirëqenies Sociale dhe Rinisë Erion Veliaj, Përfaqësues të lartë të UNDP, Kryebashkiaku Sotiraq Filo etj. Kryeministri Rama vlerësoi shembullin e dhënë nga Bashkia e Korçës, bashki e cila gjithmonë ka qënë e ndjeshme ndaj problemeve të komuniteteve. “Shembulli i Bashkisë Korçë është një ndër shembujt më rrezatues që duhet ta ndjekin edhe bashkitë e tjera të vendit” – u shpreh Kryeministri. Kjo qender e ndërtuar nga një bashkëpunim mes Bashkisë Korçë dhe UNDP do tu japë zgjidhje një sërë problemesh me të cilat përballen komunitetet, si problemet ekonomike, kushtet e papërshtatshme të jetesës, problemet shëndetësore, arsimi publik, gjetja e një tregu pune dhe regjistrimi civil apo edhe probleme të tjera të rëndësishme sociale.
