Në kuader të zbatimit të dy projekteve të Bashkisë Korçë:
1. Qëndra ditore për fëmijë, fuqizimi i fëmijëve rom dhe egjiptian.
2. Qëndra komunitare për moshën e tretë.
Bashkia Korcë njofton se kërkohen ambient me qera sipas kritereve te mëposhtme:
- Një ambient me sipërfaqe 140m2 në Lagjen 7. Ky ambient duhet të jetë i ndarë në dy pjesë që komunikojnë me njëra tjetrën. Një prej ambienteve duhet të jetë i pajisur me kuzhinë dhe orenditë e nevojshme në të, 10 tavolina ngrënie dhe 30 karrige. Ndërsa, ambienti tjetër duhet të jetë i përshtatshëm si sallë studimi dhe i pajisur me banka e karrige për 30 nxënës. Ambienti duhet të ketë një tualet dhe të jetë në kontakt të afërt me rrugën kryesore.
- Tre ambiente, specifikisht në lagjet 7, 12,15 me sipërfaqe mbi 60m2 , të pajisura me një tualet, 10 tavolina dhe 40 karrige. Këto ambiente duhet të jenë në katet e para të banesave dhe gjithashtu në kontakt të afërt me rrugën kryesore.
Subjektet ose personat fizikë që kanë ambjente me kushtet e mësipërme, duhet të dorëzojnë pranë Drejtorisë së Kujdesit Social Bashkia Korcë, dokumentacionin e mëposhtëm:
>Oferta me vlerën e qerasë mujore të firmosura nga subjekti/personi fizik
>Certifikatën e vërtetimit të pronësisë të lëshuar nga ZRPP
>Hartën treguese të regjistrimit të lëshuar nga ZRPP
>Kartelën e pasurisë të lëshuar nga ZRPP
>Fotokopje të kartës së identitetit për personat fizikë
Afati i fundit i dorëzimit të dokumentacionit është 5 ditë brenda publikimit të njoftimit.