Është organizuar sot në qytetin e Korçës Forumi Urban bazuar në programin madhor të Qeverisë Shqiptare "Rilindja e qyteteve të bashkëjetesës komunitare", program i cili synon zhvillimin e mëtejshëm të qendrave urbane dhe jo vetem, si edhe synon të sjelle në vëmendje rëndësinë e panoramës urbane të qyteteve. Nëpërmjet këtij forumi urban Korça edhe njëherë ka tansmetuar vlerat e saj me të larta urbane me projektet ambicioze që i shtohen dita dites duke u bërë shembull për të gjitha qytetet e Shqipërisë. Në këtë takimi të katërt të forumeve urbane në qytetet shqiptare kanë qënë të pranishëm Zv.kryeministri Niko Peleshi, Këshilltari i Kryeministrit Artan Shkreli, Kryebashkiaku Sotiraq Filo, arkitektë e urbanistë të qytetit si edhe intelektualë e qytetarë të shumtë kor çarë. Zv.kryeministri Peleshi në fjalën e tij theksoi edhe njëherë se vendin ynë ka ende nevoja bazike prandaj është e rëndësishme që çdo vit e më tepër të investohet në ato projekte që sjellin vlera të bashkëjetesës qytetare. Zv.kryeministri u shpreh se për vitin e ardhshëm do të akordohen 125 milion dollarë për zhvillimin e qyteteve, ndërsa nënvizoi se nuk do të ndryshojë vetëm fondi për investimet urbane, por do të ndryshojë gjithashtu edhe këndvështrimi dhe filozofia me të cilën do të kryhen këto investime pasi nje rëndësi e veçantë do ti kushtohet edhe trashëgimisë kulturore të qyteteve tona. “Korça më tepër se çdo qytet tjetër në Shqipëri ka ditur të pranoje ndryshimin dhe zhvillimin. Ajo i jep një shembull Shqipërisë me harmonizimin urban të tradicionales me modernen”- është shprehur këshilltari i Kryeministrit Artan Shkreli mbas prezantimit nga ana e Kryebahkiakut Sotiraq Filo të projekteve që janë realizuar dhe po realizohen dhe do te realizohen shume shpejt në qytet.
Është koha e realizimit te projekteve të mëdha. Eshtë koha për Korçën!
Sfidat e Zhvillimit Urban në Korçë
