Kryebashkiaku Sotiraq Filo ka inspektuar sot përfundimin e punimeve tek lulishtja e re në lagjen 17 tek Radaneci, lulishte e cila mbas ndërhyrjes të bërë nga Ndërmarrja e Shërbimeve Publike pranë Bashkisë Korçë ka marrë tashmë pamjen që meriton. Në këtë hapësirë të re çlodhëse janë shtruar 300 m2 pllaka, janë vendosur 13 stola, janë shtuar 500 m2 sipërfaqe të gjelbëruara dhe janë mbjellë 26 pemë dhe shkurre dekorative si edhe janë vendosur 3 ndriçues modernë të teknologjisë më të lartë të ndriçimit LED. Banorët e kësaj lagjeje falenderuan kryebashkiakun për punën e bërë për shndërrimin e kësaj zone në një destinacion relaksues për të gjithë.
