Shqipëria feston sot 28 Nëntorin, Ditën e Pavarësise. Këtë vit, si çdo vit tjetër në kuadër të kësaj dite të rëndesishmë, janë zhvilluar një sërë aktivitetesh edhe në qytetin e Korçës. Festimet kanë filluar në zonën këmbësore me ceremoninë zyrtare dhe vendosjen e buqetave me lule tek Monumenti i Luftëtarit Kombëtar. Të pranishëm në këtë ceremoni të 102 vjetorit të pavarësisë të vendit kanë qënë Kryebaskiaku Sotiraq Filo, Prefekti i Qarkut Korçë Ardit Konomi, Kryetarja e Qarkut të Korçës, deputetë, anëtarë të Këshillit Bashkiak, përfaqësues të komunteteve fetare e institucioneve të tjera në qytet si edhe veteranë të LANÇ. Në nderim të kësaj dite të rëndësishme në historinë e vendit tonë të pranishmit janë përulur me respekt dhe kanë vendosur kurora me lule pranë Monumenit të Luftëtarit Kombëtar. Fjala përshëndetëse në këtë ceremoni u mbajt nga Kryebashkiaku Filo, i cili theksoi mirënjohjen e thellë për ata heronj e heroina që shpallën pavarësinë dhe i dhanë Shqipërisë një të ardhme më të mirë. Mbas ceremonisë zyrtare është bërë edhe celebrimi i flamurit tek Katedralja "Ngjallja e Krishtit" dhe tek Xhamia e Re pranë Medresesë Korçë.
