Në kuadër të Ditës Ndërkombëtare Kundër dhunës ndaj grave dhe vajzave, Zyra Kundër Dhunës në Familje dhe Barazisë Gjinore pranë Bashkisë Korçë ka organizuar sot një aktivitet sensibilizues me nxënësit e shkollës profesionale "Demir Progëri". Nën slogani “Djemtë dhe Burrat pjesë e zgjidhjes – Trego dhe ti se je kundër Dhunës!”, kjo fushatë ka ngritur sot zërin në të gjithë botën. Dhuna në familje nuk është një çështje që i përket vetëm familjes, ajo është një çështje me rëndësi publike prandaj duhet të gjithë të themi fjalën tonë e të ngrejmë zërin për të mbrojtur të drejtat e grave dhe vajzave.
