Arkitekti Peter Wilson i mirënjohur boterisht për veprat e tij, ka vizituar sot qytetin e Korçës për të bërë një inspektim të ecurise se punimeve që ai ka ideuar dhe që po zbatohen në qytet. Wilson ka inspektuar sot punimet në Parkun “Rinia” ku po bëhet një transformim rrënjësor për ti dhuruar qytetit ambientet relaksuese që i mungonin si edhe Kullën Panoramike në qendër të qytetit, një vepër arkitekturore që do i dhurojë Korçës një pikë të re turistike nga ku mund të vëzhgohet i gjithë qyteti. Për të kuruar në detaj çdo projekt që po zbatohet në qytet dhe per te dhene idete e tij per te shtuar elemente te vecante,Wilson ka vëzhguar nga afer të gjitha punimet. Arkitekti Wilson i njohur tashmë për projektimin e Zones Kembesore dhe sheshit para Katedrales po sjell gjithmonë e më tepër risi arkitekturore duke i dhënë qyteti të Korçës një frymë të re ku ndërthuret tradicionalja egzistuese me modernen bashkëkohore.
