Një sërë aktivitetesh janë organizuar sot në Korçë për Ditën Ndërkombëtare të të Drejtave të Fëmijëve. Sensibilizimi nëpërmjet artit, lojrave dhe argëtimit ka qënë kryefjala e kësaj dite për të kujtuar dhe theksuar se fëmijët janë gjëja më e shtrenjtë dhe më e brishtë dhe ruajtja e të drejtave të tyre është në bazë të një bote me më shumë harmoni. E pranishme në këtë aktivitet ka qënë edhe Zv.kryetarja e bashkisë Benila Themeli e cila theksoi se sa e rëndësishme është të mbrojmë fëmijët nga dhuna dhe padrejtësitë dhe tu transmetojmë atyre vlerat e një shoqerie të drejtë dhe të respektuar. Asambleja e Përgjithshme e Kombeve të Bashkuara, shpalli më 20 nëntor, 1959 "Deklartën për të Drejtat e Fëmijës". Që nga kjo datë, 20 nëntori është shpallur ditë e të drejtave të fëmijëve. Në hyrjen e deklaratës në fjalë thuhet: "Njerëzimi, u ka borxh fëmijëve gjërat më të mira që ai mund t'iu ofrojë".
