I jepet çmimi “Emblema e Artë e Qytetit” piktorit Sotiraq Kuqali

I jepet çmimi "Emblema e Artë e Qytetit" piktorit Sotiraq Kuqali

Bashkia Korçë me vendim të Këshillit Bashkiak i ka dhënë titullin "Emblema e Artë e Qytetit", piktorit të mirënjohur korçar Sotiraq Kuqali me motivacionin: “Për kontributin e tij në fushën e artit figurative dhe promovimin e imazhit të qytetit të Korçës brenda dhe jashtë kufijve të Shqipërisë”. Ceremonia e dorëzimit të këtij titulli u organizua në ambientet e Muzeut Kombëtar të Arsimit. Në këtë ceremoni kanë marrë pjesë Kyebashkiaku Sotiraq Filo, Prefekti i Qarkut të Korcës Ardit Konomi, përfaqësues të institucioneve, miq dhe të afërm të piktorit si edhe shumë dashamirës të penelit të tij. Në fjalën e tij përshëndetëse kryebashkiaku Filo vlerësoi artin e mrekullueshëm të piktorit Kuqali, art i cili e ngre lart emrin e qytetit tone kudo ku pikturat e tij ekspozohen. Zoti Kuqali nga ana e tij u shpreh se ndiehej mjaft mirënjohës për këtë vlerësim që ju bë nga qyteti i tij i lindjes dhe theksoi se puna e tij do të vazhdojë edhe në të ardhmen. Më pas të gjithë të pranishmit patën mundësi të shijojnë ekspozitën më të fundit të piktorit e të admirojnë pikturat e tij.