Kryebashkiaku Sotiraq Filo ka kryer sot një inspektim në shkollen “Mësonjëtorja e Parë Shqipe”, ku prej disa javësh po punohet intensivisht për rikonstruksionin e plotë të kësaj shkolle. Ka përfunduar tashmë puna për shtrimin e rrjetit hidraulik dhe elektrik dhe pothuajse ka përfunduar ndërtimi i shtesës ku do të vendoset palestra dhe laboratorët e rinj të kësaj shkolle. Punimet po ecin me ritmin e duhur dhe do të përfundojnë brenda afatit të caktuar.
