Mes miqsh e dashamirësish të librit ka prezantuar sot në Korçë vëllimin e tij të fundit "Hëna e Shqipërisë" autori Ben Blushi. Qytetarët e shumtë korçarë gjithmonë të dashuruar me artin dhe librin kanë pasur mundësi të shkëmbejnë ide e të diskutojnë rreth temave mjaft të mprehta që autori paraqet në këtë libër.Librat përbëjnë një ushqim të pashterueshëm për shpirtin dhe janë një udhërrëfyes real për shoqërinë. Librat do të mbeten gjithmonë një burim i sigurt për rritjen e vlerave dhe cilësive qytetare në shoqërinë shqiptare.
