Ështe zhvilluar sot në Korçë Panairi i Agrobiznesit 2014. Nën moton “Rrugëtimi drejt eksportit” ky panair mblodhi së bashku shumë subjekte prodhuese bujqësore, blegtorale dhe të kulinarisë nga te gjitha zonat e Qarkut të Korçës, si edhe përfaqësues të Bankave lokale, te cilet prezantuan programet e tyre në mbështetje të agrobujqësisë. Ky panair u përshëndet nga Zv.ministri i Bujqësisë Jani Babi, nga Kryebashkiaku Sotiraq Filo, nga Prefekti i Qarkut Korçë Ardit Konomi si edhe nga Drejtori i Drejtorisë Rajonale të Bujqësisë, të cilët vlerësuan rolin që këta prodhues kanë në ekonominë vendase. Ky panair krahas shfaqjes të potencialit të prodhuesve është edhe një mundësi për të treguar se produktet shqiptare meritojnë të eksportohen në të gjitha tregjet europiane dhe më gjerë.
