Kryebashkiaku Sotiraq Filo i shoqëruar edhe nga Zv.kryetari Stefan Gërmenji ka shpërndarë libra dhe mjete shkollore për të gjithë fëmijët e familjeve në nevojë pjesë e komunitetit rom dhe egjiptian që ndjekin mësimet në shkollën “ Naim Frashëri”. Përfitues të librave dhuruar nga bashkia ishin mbi 50 fëmijë të kësaj shkolle dhe 50 fëmijë të tjerë të shkollës “Asdreni”. Projekti i Bashkisë Korçë i mbështetur nga UNDP për të ndihmuar këto komunitete zbatohet prej disa vitesh dhe do të vazhdojë edhe në të ardhmen për të ndihmuar të gjithë fëmijët të afrohen sa më pranë dijes dhe shkollës pa u ndjerë të përjashtuar apo të detyruar për ta braktisur atë.
