Kryeministri Edi Rama inspektoi sot fillimin e punimeve tek sheshi para teatrit A.Z.Cajupi. Gjate ketij inspektimi kryebashkiaku Sotiraq Filo ka prezantuar para zv.kryeministrit Niko Peleshi dhe para kryeministrit Edi Rama projektin e madh per transformimin e ketij sheshi nje nder sheshet me te rendesishem te qytetit. Kryebashkiaku Filo u shpreh se ky eshte nje projekt i cili perfshin rikonstruksionin e te gjithe sheshit, ndertimin e nje shatervani , nje piste patinazhi si edhe ndertimin e nje obelisku panoramik per te gjithe vizitoret por edhe per qytetaret e Korces. Pjese e ketij projekti do te jete edhe nderhyrja per sistemimin e gjithe rrjetit rrugor rreth ketij sheshi, nderhyrja ne fasadat e pallateve, permiresimi i ndricimit publik si edhe ndricimi i bulevardit “Gjergj Kastrioti”. Kryebashkiaku Sotiraq Filo falenderoi kryeministrin dhe Qeverine Shqiptare per mundesine e dhene duke financuar kete projekt te rendesishem qe kap nje vlere prej 240 milion leke te reja. Entuziast per kete projekt u shpreh edhe zv.kryeministri Niko Peleshi i cili theksoi se ky shte nje projekt shume i madh dhe i vecante per qytetin e Korces . –“ Me kete projekt permbyllet projekti i madh i filluar para disa vitesh per rikonstruksionin e plote te qendres te qytetit te Korces. Me ndertimin e ketij sheshi shtohet komoditeti dhe behet bashkimi me zonen e bukur kembesore , hijeshohet qyteti, sepse zemra e qytetit me kete rikonstruksion merr nje vlere akoma edhe me te madhe , sidomos me futjen e disa elementeve te rinj te “mobilimit” te ketij sheshi si shatervani apo edhe pista e patinazhit e cila eshte eksperimentuar edhe me pare ne Korce dhe ka pasur mjaft sukses” , u shpreh zv.kryeministri. Ai gjithashtu falenderoi Bashkine Korce per punen cilesore qe po ben me kete projekt dhe shtoi se kete vit Korca do te kete nje “bum” investimesh sepse shume projekte te tjera do te vihen ne jete . Edhe Kryeministri Rama nga ana e tij u shpreh entuziast dhe optimist per te gjitha projektet qe po zbatohen ne te gjitha qendrat urbane te vendit. Ai u shpreh :- Jemi ketu per te ndjekur fillimet e nje projekti te madh kombetar qe shtrihet ne rreth 70 zona urbane te vendit . Nje projekt i dedikuar per unitetet me te medha te vendit qe kane qene te braktisura per nje kohe shume te gjate dhe jemi ketu per te nisur te mbajme nje nga premtimet tona te rendesishme se do te bejme per keto komunitete dhe per keto zona urbane te vendit cfare nuk eshte bere per 20 vjet me radhe duke nisur me Korcen nje model te qendrueshem te zhvillimit urban. Nga ana tjeter meqenese jemi ne Korce dua te theksoj se ky eshte fillimi i nje zinxhiri investimesh, ne do te shohim neser bashke edhe projektin e “Pazarit te Vjeter” te Korces dhe ju siguroj se nga nje ishull i rrenimit dhe i braktisjes ne do ta bejme kete zone nje ishull te turizmit jo vetem per zonen e Korces dhe Shqiperine por edhe per vendet fqinje, qe te mos jete vetem Festa e Birres momenti kur dynden turistet ne Korce por te jete nje ishull i tille si “Pazari i Vjeter” ai qe do ti therrase turistet gjate gjithe periudhave te vitit “. Kryeministri Rama u shpreh se shume shpejt keto qe jane ne dukje endrra te bukura do te jene realite te bukura nga ky transformim i madh urban qe do te perfshije Korcen dhe gjithe Shqiperine.
