Kryebashkiaku Sotiraq Filo, zhvilloi sot nje inspektim ne shkollen Pandeli Cale ne qytet ku u vendosen koshat plastike tek te cilet do te jete i mundur depozitimi i ndare i mbetjeve te ngurta.
Kjo nisem do te meret ne vazhdim per te gjitha shkollat e qytetit dhe sherben per ndergjegjesimin dhe disiplinimin e nxenesve per te bere depozitimin e ndare te mbeturinave.
"Bashkia e Korçës është bashkia pilot në Shqipëri në zgjidhjen e problemit të menaxhimit të mbetjeve urbane në mënyrë rajonale",-u shpreh kryebashkiaku.
Si pjesë e këtij projekti madhor qytetit të Korçës i janë shtuar se fundmi edhe 2500 kazanë për grumbullimin e mbeturinave me kapacitet 120 litra , 120 kazanë me kapacitet 240 litra, 43 kosha publikë me kapacitet 40 litra si edhe 125 kosha me katër ndarje të cila jane shperndare në shkollat e qytetit.
Për të përmirësuar situatën mjedisore dhe për të ndërtuar një vend depozitim sanitar, Bashkia Korçë ndërmori këtë nismë e cila u bë realitet falë mbështetjes financiare të Bankës Gjermane për Zhvillim KFW.